SENZA CUNSERVADORE, AROMU NÈ CULURENTE AGHJUSTATI.
Una nova generazione d'artigianu ghjacciaghju sà cuncepì è pruduce a qualità taliana di prima trinca rispechjendu una visione di u ghjacciu artigianale chì l’essenza incarneghja i savori è e tessiture sputichi.
U daretu di a buttea pare un laburatoriu di cunfezzione di sti ghjuvelli ghjacciati. Secondu l’usu, tutte ste bellezze sò ammanite in modu permanente è rifinite nanzu a so espusizione nant’à u famosu portu di piacenza di San Fiurenzu. In stu locu, u sapè fà di Francis Rovere è u so figliolu Damien, quand’elli approntanu d’incantu e so sosule, face sparghje u prestigiu di i savori. Stagiunalità, maturità di i frutti, cugliera artigianale è itinerari di pruduttori pè u più lucali, sempre corti corti. Tanti impegni chì infondenu pianu pianu in ste perle ghjacciate cù l’aromi di canerchja. Fichi neri o verdi, limoni, chjelze salvatiche, bachi di morta, fichindiani, fraule di rasina…… rispondenu à a primura fundamentale di a Casa Rovere : u ghjacciu hè fattu pè u ghjornu stessu, à a dumanda, è di fatti ùn si face pruvista. Sta tradizione di fabricazione secondu una qualità taliana di prima trinca limiteghja a nostra pruduzzione à 24 prufumi. Una guaranzia di sputichezza grazia à una cunfezzione « senza cunservadore. Senza aromu o culurenti aghjustati. » Via, un arte chì scaghja e forme pè un prufume senza paru di i ghjacci è surbetti induve ùn ci hè lattosiu, in puesia gustativa è in sinfunia visuale.
Ghjacci, eschimesi, ghjacci cun acqua, surbetti (0% di prudutti lattaghji) è altri dopupasti ghjacciati (mezupasti, ceppi…) sò cuncepiti à parte da prudutti nustrali freschi è trascelti. Pè Francis è u so figliolu Damien, a diversità di e materie fundamentale li dà l’ispirazione è testimunieghja di a so arditezza, quand’elli approntanu u surbettu fattu cù e chjarasge è nespule di u paese... Si primureghjanu di difende e so creazione "Fattu di casa", un labellu accertendu a so ispirazione è e numerose creazione ch’elli imagineghjanu. Eppuru, pè mantene sta qualità, certi prufumi o frutti ponu mancà per via ch’elli ùn sò micca di stagione o ch’elli sò macerbi. Puderete sempre cunsulavvi cù u nostru ghjacciu Soft "Maison" Carpigiani è di sicuru una crema chantilly ancu ella "fatta di casa" chì accumpagnerà e vostre vultate salite è inzuccherate.
Ste materie eccezziunale sò selezziunate cun primura vicin’à i nostri pruduttori. Frà quessi, i principali sò :
a tenuta di Sabrina è Dumè Olmeta pè u puricciu.
A nostra machja pè i fichindiani, chjelze salvatiche, è bachi ch’è no cuglimu da per noi. Raccuglimu dinù i nostri limoni sopr’à locu.
Mrs Cuni, Dolesi, Rao Noël, pè i miloni è e patecche.
M. Battestini Vincent, pè e persiche, e persicanoce è e baracucche.
M. Mattei J.F pè e fraule è e clementine.
Cacchì di u giardinu di Mrs LOUIS F. è Vecchioli.
I bumbucconi è i rubi d’Alisgiani.
SENZA CUNSERVADORE, AROMU NÈ CULURENTE AGHJUSTATI.